ورلڈ ٹیسٹ چیمپئن شپ فائنل کی میزبانی لارڈز سے واپس لئے جانے کا امکان

لندن(پی ایم این/ویب ڈیسک)ورلڈ ٹیسٹ چیمپئن شپ فائنل کی میزبانی لارڈز سے واپس لئے جانے کا امکان ہے۔برطانوی میڈیا رپورٹس کے مطابق ڈبلیو ٹی سی فائنل کی میزبانی لارڈز کے بجائے اوول کو مل سکتی ہے، آئی سی سی نے انگلینڈ اور نیوزی لینڈ کے درمیان لارڈز ٹیسٹ پچ کو غیر مطمئن قرار دیا تھا۔برطانوی میڈیا کا کہنا ہے کہ اس حوالے سے ابھی تک حتمی فیصلہ نہیں ہوا، آئی سی سی نے 2031ء تک ڈبلیو ٹی سی فائنلز کی میزبانی انگلینڈ کو دے رکھی ہے۔ڈبلیو ٹی سی فائنل کی میزبانی واپس لینے کے باوجود لارڈز دو ٹیسٹ میچز کی میزبانی کرے گا، ای سی بی کے ساتھ معاہدے کے مطابق لارڈز کو 2 ٹیسٹ میچز کی میزبانی ملنا لازمی ہے۔