ویسٹ انڈیز اورانگلینڈ کیخلاف ٹیسٹ سیریز کیلئے قومی اسکواڈ کا اعلان رواں ہفتے متوقع

لاہور(پی ایم این/اکرام بیگ)ویسٹ انڈیز اورانگلینڈ کیخلاف ٹیسٹ سیریز کیلئے اسکواڈ کا اعلان رواں ہفتے متوقع ہے،ذرائع کے مطابق سلیکشن کمیٹی نےاسکواڈ اورسنٹرل کنٹریکٹ کےحوالے سے دو روز قبل ایک اہم اجلاس میں سنٹرل کنٹریکٹ اور ٹیسٹ اسکواڈ کےمختلف ناموں پرغورکیا،کمیٹی مڈل آرڈر میں تبدیلیوں پر بھی غور کررہی ہے،جہاں اویس ظفر کی شمولیت کے امکانات روشن ہیں،فاسٹ بولرز کے طورپرعبیدشاہ،خرم شہزاد اور محمد عباس کی شمولیت متوقع بتائی جا رہی ہے۔
ذرائع کے مطابق قومی ٹیسٹ ٹیم کےکپتان شان مسعود کےلیےسنٹرل کنٹریکٹ حاصل کرنا مشکل دکھائی دے رہا ہے،جبکہ انکی کپتانی بھی خطرےمیں پڑسکتی ہے،سلیکشن کمیٹی شان مسعود کے اسکواڈ میں شمولیت کےحوالے سے غور کررہی ہے۔