وزیراعظم کئی باراپوزیشن کومذاکرات کی دعوت دےچکے،تالی دو ہاتھوں سے ہی بجتی ہے،بیرسٹر عقیل

اسلام آباد(پی ایم این/ویب ڈیسک)وزیرمملکت بیرسٹرعقیل کاکہناہےکہ وزیراعظم کئی باراپوزیشن کومذاکرات کی دعوت دےچکے،تالی دو ہاتھوں سے ہی بجتی ہے،نجی ٹی وی کے شو میں گفتگو کرتے ہوئےانہوں نے کہا کہ امریکا ایران کے درمیان ثالثی کا سہرا وزیراعظم اور فیلڈ مارشل کے سر جاتا ہے،ایرانی صدر مسعود پزشکیان کل پاکستان آرہے ہیں۔
بیرسٹر عقیل کا کہناتھا کہ وزیراعظم شہباز شریف نے ایرانی صدر کو دورہ پاکستان کی دعوت دی،اداروں کے سربراہوں کو ٹارگٹ نہ کیا جائے،سیاسی باتیں سیاسی پلیٹ فارم پر کی جائیں۔
انہوں نے کہا کہ ایران کیساتھ تجارت کا فائدہ عوام کو ملے گا،تیل اور گیس کی قیمتیں کم ہوں گی،کہا جاتا ہے ایران پر سے پابندیاں ہٹنے سے گیس کی قلت ختم ہو جائے گی، حکومت اسکلڈلیبرفورس پرکام کررہی ہے،لوگوں کو بتانےکی ضرورت ہے کہ ہنرحاصل کریں۔
انہوں نے کہا کہ ہنر کے بغیر بیرون ممالک بھی لوگوں کو نہیں لے رہے،ہنر نہیں ہے تو سیکھیں حکومت مواقع فراہم کر رہی ہے،وزیراعظم کئی بار مذاکرات کی دعوت دے چکے،تالی دونوں ہاتھوں سے بجتی ہے، کسی حد تک برف پگھلی ہے،آگے کتنی پیشرفت ہو گی یہ دیکھنا ہو گا۔