لاہور(پی ایم این/جنرل رپورٹر)اسٹیٹ بینک نے اہم اعلان کرتے ہوئے عیدالاضحیٰ پر "گو کیش لیس” مہم کا آغاز کردیا ۔
اسٹیٹ بینک کے مطابق ملک بھر کی مویشی منڈیوں میں ڈیجیٹل ادائیگیوں کو فروغ دینے کا فیصلہ کیا گیا ۔ 2025 میں 54، جبکہ 2026 میں 96 مویشی منڈیاں مہم میں شامل ہیں ۔ 22 بینک خریداروں اور بیوپاریوں کیلئے خصوصی کیمپس قائم کریں گے۔
کیو آر کوڈ ، راست اور موبائل بینکنگ کے ذریعے ادائیگیاں ممکن ہوں گی۔ بیوپاریوں، ٹرانسپورٹرز اور سروس فراہم کرنے والوں کو ڈیجیٹل سسٹم پر لایا جائے گا، 14 مئی سے 5 جون تک ٹرانزیکشن اور اکاؤنٹ بیلنس کی حد میں عارضی نرمی کردی گئی ۔ مویشی منڈیوں میں موبائل بینکنگ وینز، اے ٹی ایمز اور کیش ڈپازٹ مشینیں بھی نصب ہوں گی۔