لاہور، حلقہ ارباب ذوق،اعجاز کنور راجہ کی صدارت میں محفل مسالمہ

لاہور(پی ایم این/شہزادفراموش)حلقہ اربابِ ذوق لاہور کا آٹھواں اجلاس پاک ٹی ہاؤس میں اعجاز کنور راجہ کی صدارت میں ہوا۔جوائنٹ سیکرٹری شہزاد فراموش نے گزشتہ اجلاس کی کارروائی پڑھ کر سنائی۔ بعد ازاں محفل مسالمہ کیلئے واجد امیر نے نقیب محفل کے فرائض سرانجام دیئے ۔اس محفل کے مہمان کربلا باقی احمد پوری، علی اصغر عباس،دُرِنجف زیبی، سرور حسین نقشبندی، اور قاری صادق جمیل تھے۔ان کے علاوہ جن شعرا نے اپنا کلام سنایا ان میں محمد عباس مرزا،واجد امیر، سلیم اختر سہیل ممتاز،آفتاب جاوید،نصیر احمد، سہیل ثانی،احمد سبحانی آکاش،حسنین اختر،حکیم احسان گوندل،نعیم عباس ساجد، افضل ساجد، رضا جعفری،شفقت رسول مرزا،محمد حسین بھٹی،شہزاد فراموش، دانش رضا دانش، کنور عبدالماجد، اذان ناصر، رانا حمزہ علی، سعید رضوان رضوی، عثمان سالار، فراست علی رضوی، شارق علی شارق، عبدالبر بسمل، شاہ میر مغل،ایمن چاغی، وقار احمد وقار، امتیاز انجم، توقیر عباس توقیر، طاہر ہاشمی، شاہ زیب شامل ہیں۔محفل مسالمہ میں 80 سے زائد افراد نے شرکت کی اور 40 شاعروں نے کربلا کے شہیدوں کے حضور عقیدت کے پھول نچھاور کئے۔اختتام پرشاعرہ پروین وفا ہاشمی کے انتقال پر افسوس کا اظہار کیا گیا۔سیکرٹری حلقہ آفتاب جاوید نے معزز مہمانوں،نقیب ِمحفل اور شرکاء کا شکریہ ادا کیا، حسینی لنگر کا بھی اہتمام تھا۔صاحب صدارت کے کلام سے ایک شعر دیکھیئے۔

پہلے سمندروں سے وضو کر کے آئے گی

پھر خاکِ کربلا پہ رکھے گی قدم ہوا