کراچی(پی ایم این/ویب ڈیسک)قائد آباد سے تین سالہ بچی کی بوری بند لاش برآمد ہوئی ہے جسے جناح اسپتال منتقل کردیا گیا ہے۔
ایس ایس پی ملیر کا کہنا ہے کہ بچی دوپہر 12 بجے لاپتا ہوئی لیکن گھر والوں نے پولیس کو آگاہ نہیں کیا۔پولیس کے مطابق رات کے وقت بچی کی لاش گھر کے گیٹ سے ہی ملی ہے، قتل میں کون ملوث ہے اس کی تحقیقات جاری ہیں۔
واضح رہے کہ اپریل میں کراچی کے علاقے جیکسن میں مبینہ طور پر اغوا ہونے والے ڈھائی سالہ معصوم بچے صلاح الدین کی لاش گھر کے قریب ایک نالے سے برآمد ہوئی تھی۔