بہاولپور(پی ایم این )بہاولپور کے علاقے مسافر خانہ میں استاد کے مبینہ تشدد سے مدرسے میں زیر تعلیم تیرہ سال کا طالبعلم حسنین جان کی بازی ہارگیا ۔ پولیس نے کارروائی کرتے ہوئے قاری سمیت تین افراد کو گرفتار کرلیا ۔بچے کے دادا عبدالمالک کے مطابق حسنین گزشتہ چھ ماہ سے مدرسے میں زیر تعلیم اور مقیم تھا جہاں آج استاد نے اسے بہیمانہ تشدد کا نشانہ بنایا اور زبان بھی کاٹی ، بچے کو تشویش ناک حالت میں قریبی اسپتال لے جایا گیا جہاں ڈاکٹر نے اسکی موت کی تصدیق کردی ۔ واقعہ کی اطلاع پر پولیس نے موقع پر پہنچ کر استاد سمت تین ملزمان کو گرفتار کرکے تفتیش کا آغاز کردیا ۔
ڈی پی او بہاولپوررانا عبدالوہاب نے بھی واقعہ کا نوٹس لیتے ہوئے طالبعلم کے لواحقین کو انصاف کی یقین دہانی کروائی ۔ پولیس نے طالبعلم کی لاش تحویل میں لے کر پوسٹ مارٹم کیلیے ٹی ایچ کیو احمدپورشرقیہ منتقل کردی ۔ پولیس کے مطابق واقعے کا مقدمہ درج کیا جارہا ہے جسکے بعد معاملے کی میرٹ پر تفتیش کی جائیگی اور ملزمان کے خلاف سخت کاروائی کی جائیگی ۔