لاہور(پی ایم این/حامد مغل)گلشن راوی میں رقم کے تنازع پر فائرنگ کرکے شہری کو زخمی کرنیوالا ملزم گرفتار کرلیاگیا۔
ابتدائی تحقیقات کے مطابق ملزم جواد اور شہری امان کے درمیان رقم کے لین دین پر تلخ کلامی اور جھگڑا ہوا تھا۔ملزم بعد ازاں گاڑی پر شہری امان کے گھر پہنچا اور اپنے پستول سے فائرنگ کر دی، جس کے نتیجے میں امان کے پاؤں پر گولیاں لگیں۔ زخمی کو ریسکیو ٹیم کے ذریعے فوری طور پر اسپتال منتقل کر دیا گیا۔
ایس پی اقبال ٹاؤن کے مطابق شہری امان کی مدعیت میں ملزم کے خلاف اقدامِ قتل کا مقدمہ درج کر لیا گیا ہے۔ کارروائی کے دوران ملزم سے واردات میں استعمال ہونے والا اسلحہ، گولیاں اور گاڑی بھی برآمد کر لی۔