اسلام آباد(پی ایم این)وزیراعظم شہبازشریف آج سے سعودی عرب، قطر اور ترکیہ کا چار روزہ سرکاری دورہ کریں گے۔
سعودی عرب اور قطر کے دورے دوطرفہ تناظر میں ہوں گے جہاں وزیراعظم دونوں ملکوں کی قیادت سے ملاقات کریں گے جس میں جاری دوطرفہ تعاون کے علاوہ علاقائی امن و سلامتی پر تبادلہ خیال کیا جائے گا۔
وزیراعظم پانچویں انطالیہ ڈپلومیسی فورم میں شرکت کے لیے ترکیہ کا بھی دورہ کریں گے۔
فورم کے دوران وزیراعظم دیگر عالمی رہنمائوں کے ساتھLeaders پینل میں شرکت کریں گے جس میں وہ پاکستان کا نقطہ نظر پیش کریں گے۔
فورم کے موقع پر وزیراعظم کی صدر رجب طیب اردوان اور دیگر اہم عالمی رہنمائوں سے دوطرفہ ملاقاتیں متوقع ہیں۔