اسلام آباد(پی ایم این)صدر آصف علی زرداری نے انتظامی رکاوٹوں کو دور کرنے، شفافیت کو یقینی بنانے اور منصوبوں پر عمل درآمد میں تیزی لانے کیلئے سرمایہ کاروں کوسہولیات فراہم کرنے پر زور دیا ہے۔
انہوں نے یہ بات کراچی میں اپنے حالیہ دورہ چین کے دوران مفاہمتی یادداشتوں پر دستخط کے حوالے سے منعقدہ ایک بریفنگ کے دوران کہی۔
صدرمملکت نے کہا کہ چین کے ساتھ پاکستان کا تعاون بنیادی ڈھانچے کو جدید بنانے، صنعتی صلاحیت میں اضافہ کرنے اور سماجی و اقتصادی ترقی کو آگے بڑھانے کا ایک اہم موقع فراہم کرتا ہے۔
انہوں نے ہدایت کی کہ تمام محکمے اور متعلقہ حکام، چینی ہم منصبوں کے ساتھ قریبی رابطے برقرار رکھیں اور مخصوص لائحہ عمل کے ذریعے باقاعدگی سے نگرانی کو یقینی بنائیں۔