پاکستان اور تاجکستان کا پائیدار ترقی کیلئے تجارتی راستوں کو جدید خطوط پر استوار کرنے پر اتفاق
پاکستان اور تاجکستان کا پائیدار ترقی کیلئے تجارتی راستوں کو جدید خطوط پر استوار کرنے پر اتفاق
March 03, 2026
اسلام آباد(پی ایم این)پاکستان اور تاجکستان نے پائیدار ترقی کیلئے تجارتی راستوں کو جدید خطوط پر استوار کرنے اور دوطرفہ تعلقات مضبوط کرنے پر اتفاق کیا ہے۔
یہ اتفاق رائے مواصلات کے وزیرعبدالعلیم خان اور تاجکستان کے سفیر شریف زادہ یوسف طائر کے درمیان اسلام آباد میں ملاقات میں ہوا۔
فریقین نے موثر حکمت عملی کے ذریعے خود کو خطے کی بدلتی ہوئی صورتحال کے مطابق ڈھالنے کی ضرورت پر زور دیا۔
ملاقات میں معاشی تعلقات کو فروغ دینے کیلئے ایک اہم اقدام کے طور پر تجویز دی گئی کہ پاکستان سے تاجکستان تک گلگت کے راستے براہِ راست زمینی راہداری قائم کی جائے جبکہ تاجک سفیر نے بھی تجویز دی کہ پاکستان وسط ایشیائی ممالک کے ساتھ دوطرفہ تجارتی حجم بڑھانے کیلئے خصوصی رعایتی ٹیرف دینے پر غور کرے۔