قومی اسمبلی نے مختلف وزارتوں اورڈویژنزکیلئے ضمنی گرانٹس کی منظوری دے دی

اسلام آباد(پی ایم این)قومی اسمبلی نے سال2024-25 اور2023-24 کیلئے مختلف وزارتوں اور ڈویژنوں سے متعلق تمام ضمنی گرانٹس کی منظوری دے دی ہے۔

ایوان نے مالی سال2023-24 کیلئے اضافی مطالبات زر کی بھی منظوری دی جو وزیرخزانہ محمد اورنگزیب نے پیش کیں۔

وزیر خزانہ نے ایوان میں سال2025-2026 کے اخراجات کا شیڈول ، ضمنی اخراجات2023-24 اور2024-25 کا شیڈول اور اضافی اخراجات2023-24 کا شیڈول پیش کیا۔

وزیر خزانہ نے ایوا ن میںبجٹ عمل مکمل ہونے پر اطمینان کا اظہارکیا ۔ انہوں نے بجٹ2025-26 میں دونوں ایوانوں کے کردار کو سراہا۔

وزیر خزانہ نے بجٹ اجلاس کے دوران پارلیمنٹ ہائوس میں فرائض انجام دینے والے قومی اسمبلی، سینیٹ اور دوسرے سرکاری محکموں کے ملازمین کیلئے پانچ بنیادی تنخواہوں کے برابر اعزازیہ دینے کا اعلان بھی کیا۔

قومی اسمبلی کاا جلاس اب غیر معینہ مدت کیلئے ملتوی کردیا گیا ہے۔