احد چیمہ نےمعیشت کی مضبوطی کیلئے پاکستان اورورلڈبینک کےدرمیان تعاون کوسراہا

اسلام آباد(پی ایم این)اقتصادی امور کے وزیر احد خان چیمہ نے معیشت کی مضبوطی کے لیے پاکستان اور ورلڈ بینک کے درمیان مضبوط تعاون کو سراہا ہے۔

وہ اپنے سرکاری دورہ امریکہ کے دوران ورلڈ بینک کی قیادت سے بات چیت کر رہے تھے۔

منیجنگ ڈائریکٹر آپریشنزAnna Bjerde اور ورلڈ بینک کے جنوبی ایشیا کے علاقائی نائب صدرMartin Raiserسے ملاقات کے دوران احد چیمہ نے کہا کہ یہ اشتراک عمل نئے کنٹری پارٹنرشپ فریم ورک 2026-2035کی ترقی کی صورت اختیار کرگیا ہے۔

وفاقی وزیر نے کنٹری پارٹنرشپ فریم ورک کے ترقیاتی مقاصد کے حصول کیلئے عالمی بینک کی ٹیم کے ساتھ مل کر کام کرنے کے پاکستان کے عزم کا اعادہ کیا۔

اس موقع پر عالمی بینک کی قیادت نے کنٹری پارٹنرشپ فریم ورک پر مؤثرعملدرآمد کیلئے اپنے مکمل تعاون کا یقین دلایا اور پاکستان کی پائیدار اقتصادی ترقی کیلئے ادارے کے مسلسل عزم کو اجاگر کیا۔