عاصم افتخارکی نیویارک میں سیکرٹری جنرل اقوام متحدہ سے ملاقات
اقوام متحدہ (پی ایم این)اقوام متحدہ میں پاکستان کے مستقل نمائندے عاصم افتخار احمد نے جولائی کے مہینے میں اقوام متحدہ کی سلامتی کونسل کے آئندہ صدر کی حیثیت سے نیویارک میں اقوام متحدہ کے سیکریٹری جنرل انتونیو گوتریس سے ملاقات کی۔
اس موقع پر مستقل نمائندے نے سیکریٹری جنرل کو جولائی میں سلامتی کونسل کے مجوزہ پروگرام کے حوالے سے آگاہ کیا۔
پاکستان کے مستقل مندوب عاصم افتخار نے پیچیدہ عالمی چیلنجوں سے نمٹنے کیلئے اجتماعی کوششوں کی اہمیت کو اجاگر کیا اور کثیرالجہتی نظام اور محتاط سفارتکاری کو آگے بڑھانے کی سیکرٹری جنرل کی کوششوں کیلئے پاکستان کی بھرپور حمایت کا اعادہ کیا۔