پاکستان کا لیبیا میں امن کیلئے بین الاقوامی حمایت جاری رکھنے پر زور
اقوام متحدہ(پی ایم این) پاکستان نے لیبیا میں پائیدار امن اور قومی یکجہتی کو یقینی بنانے کیلئے عالمی تعاون جاری رکھنے سمیت اقوام متحدہ، علاقائی تنظیموں اور متعلقہ ممالک کے درمیان تعاون بڑھانے کی ضرورت پر زور دیا ہے۔
اقوام متحدہ کی سلامتی کونسل میں لیبیا میں اقوام متحدہ کے معاون مشن پر بریفنگ کے دوران قومی بیان دیتے ہوئے، اقوام متحدہ میں پاکستان کے مستقل مندوب ، سفیر عاصم افتخار احمد نے سیاسی مفاہمت کیلئے وقت کا تعین کرنے کی ضرورت پر زور دیا۔