مم7بئی(پی ایم این/ویب ڈیسک)بالی وڈکنگ شاہ رخ خان نے ایکس پر جاری بیان میں نانا پاٹیکرکو خراج تحسین پیش کرتے ہوئے لکھا وہ کبھی آپ کی خوشامد نہیں کرتے تھے، وہ آپ کو وہ نہیں بتاتے تھے جو آپ سننا چاہتے تھے، بلکہ وہ بتاتے تھے جو آپ کے لیے سننا ضروری ہوتا تھا، وہ مجھ سے محبت کرتے تھے اور میں بھی ان سے بے حد محبت کرتا تھا۔
شاہ رخ نے یاد کرتے ہوئے بتایا کہ جب میں پہلی بار ان سے ملا تو ان کی شخصیت سے مرعوب اور کچھ جھجھکتے ہوئے میں نے اپنے بالوں سے کھیلنا شروع کر دیا، انہوں نے فوراً میرا ہاتھ جھٹک دیا اور کہا ‘ہیرو کی طرح بال مت بنا، تم ایک اداکار ہو‘۔
شاہ رخ کے مطابق وہ میرے استاد، رہنما، ناقد اور دوست تھے۔آپ نے صرف فلمی دنیا میں ہی نہیں بلکہ کروڑوں بھارتیوں اور پوری دنیا کے لوگوں کے دلوں میں بھی ایک ایسا خلا چھوڑ دیا ہے جو کبھی پُر نہیں ہو سکےگا۔ میں صرف اتنا کہہ سکتا ہوں کہ میں آپ کو بہت یاد کروں گا اور آپ کی باتوں کو زندگی کے آخری لمحے تک اپنے دل میں سنبھال کر رکھوں گا کہ’ہیرو بننے کے چکر میں اداکار مت کھونا’۔