لاہور(پی ایم این)دنیا کی 500 بااثر مسلمان شخصیات کی فہرست میں وزیر اعظم شہباز شریف اور فیلڈ مارشل عاصم منیر پہلے نمبر پر ہیں اُردن کے رائل اسلامک اسٹریٹجک اسٹڈیز سینٹر (RISSC) کی جانب سے شائع کردہ دنیا کی 500 بااثر مسلمان شخصیات کی فہرست میں وزیر اعظم شہباز شریف اور فیلڈ مارشل عاصم منیر پہلے نمبر پر ہیں۔اس کے علاوہ سعودی عرب کے ولی عہد محمد بن سلمان اور ترکیے کے صدر رجب طیب اردوان کو بھی بااثر مسلمانوں کی فہرست میں پہلے نمبر پر رکھا گیا ہے۔

خصوصی مضمون ’جوائنٹ نمبر ون‘ میں ادارے نے اس فیصلے کی بنیادی وجہ مکہ مشترکہ دفاعی معاہدے کو قرار دیا ہے۔اردن سے ہر سال شائع ہونے والی فہرست میں وزیراعظم پاکستان شہباز شریف کی قیادت میں ملک کو دیوالیہ پن کے دہانے سے میکرواکنامک استحکام تک لانا، سعودی عرب اور ترکیےکے ساتھ مکہ دفاعی معاہدے پر دستخط، مشرق وسطیٰ میں امن کے لیے سفارتی اور ثالثی کے کردار کو اہم کارناموں کے طور پر پیش کیا گیا ہے۔فیلڈ مارشل عاصم منیرکے اہم کارناموں میں بھارتی جارحیت کے خلاف معرکہ حق کے دوران مؤثر فوجی حکمت عملی، مکہ مشترکہ دفاعی معاہدے میں کلیدی کردار اور امریکا ایران کے درمیان ثالثی کی راہ ہموار کرنا شامل ہے۔

