اسلام آباد(پی ایم این)فخر جوش اور ولولے سے بھر پور اسلام آباد عالمی امن کیلئے انتہائی اہم اور تاریخی مذاکرات کی میزبانی کو تیار ہے۔
شہر میں انتہائی خوشی کا سماں ہے اوروہ امید نو کے جذبے سے سرشار ہے جس سے پاکستان کی ثابت قدم، انتھک اور دانشمندانہ سفارت کاری کی کامیابی کی عکاسی ہوتی ہے۔
پورے دارالحکومت میں خیر مقدمی بینر آویزاں ہیں جن میں عالمی امن کو فروغ دینے کیلئے پاکستانی قوم اور اس کی قیادت کے خلوص، عزم اور جوش و ولولے کا اظہار کیا گیا ہے۔
اسلام آباد مذاکرات پاکستانی قیادت کی سنجیدگی اور اصولی وژن کا ثبوت ہیں ، یہ مذاکرات ایک تاریخی سنگ میل کی حیثیت رکھتے ہیں جنہوں نے پوری قوم کو بے حد فخر اور خوشی سے سرشار کر دیا ہے۔