اسلام آباد(پی ایم این)نائب وزیراعظم و وزیر خارجہ سینیٹر محمد اسحاق ڈار نے اتوار کے روز مصر کے وزیر خارجہ بدر عبدالعاطی سے ٹیلیفونک رابطہ کیا۔
نائب وزیراعظم نے مصری وزیر خارجہ کو "اسلام آباد مذاکرات” سے متعلق آگاہ کیا اور فریقین کے درمیان رابطہ کاری میں پاکستان کی مسلسل کوششوں کے بارے میں بھی بتایا ۔
انہوں نے اس بات پر زور دیا کہ تمام فریقوں کے لیے جنگ بندی کے عزم کی پاسداری انتہائی ضروری ہے۔
نائب وزیراعظم نے خطے اور اس سے باہر امن و استحکام کے قیام کے لیے مسلسل مکالمے اور سفارتکاری کی ضرورت کو بھی دہرایا۔