اسلام آباد(پی ایم این)ایرانی وزارت خارجہ کے ترجمان اسماعیل بقائی نے کہا ہے کہ پاکستان کی ثالثی میں اہم مذاکرات منعقد ہوئے ، اس دوران دونوں فریقوں کے درمیان کئی بار پیغامات کا تبادلہ ہوا۔
ایک بیان میں انہوں نے کہا کہ ایک ملاقات میں کسی معاہدے کی توقع نہیں کی جانی چاہئے۔
ایرانی وزارت خارجہ کے ترجمان نے کہا کہ فریقین کے درمیان اہم نکات اور ایران سمیت خطے میں کشیدگی میں کمی کیلئے متعدد امور پر تبادلہ خیال کیاگیا۔
انہوں نے کہا کہ ایران اپنے قومی مفادات کے تحفظ کیلئے اپنی تمام ترصلاحیتوں کو بروئے کار لا رہا ہے۔
ترجمان اسماعیل بقائی نے مذاکرات کی میزبانی پر وزیراعظم شہبازشریف، چیف آف ڈیفنس فورسز، آرمی چیف فیلڈ مارشل سید عاصم منیر اور نائب وزیراعظم اسحاق ڈار کا شکریہ ادا کیا۔
انہوں نے کہا کہ ایران اور پاکستان کے درمیان قریبی روابط اور مشاورت جاری رہے گی۔ ہمیں علاقائی دوستوں اور پاکستان کے ساتھ رابطوں کے تسلسل پر بھرپور اعتماد ہے۔