لاہور(پی ایم این)وزیراعلیٰ پنجاب مریم نواز نے حکومت کے زیر انتظام میت کی منتقلی کی پاکستان کی پہلی سروس کا آغاز کیا ہے۔
افتتاحی تقریب کے دوران وزیراعلیٰ نے تین بڑے شہروں لاہور، راولپنڈی اور ملتان کے لیے ڈیڈ باڈی ٹرانسفر سروس کے لیے گاڑیوں کی چابیاں حوالے کیں۔
انہوں نے ریسکیو اہلکاروں کے ساتھ بھی بات چیت کی، ان کی کوششوں کو سراہا اور ان پر زور دیا کہ وہ ہمدردی اور عوامی خدمت کے جذبے کے ساتھ فلاح عامہ کیلئے کام کریں۔
اس سروس کے پہلے مرحلے میں لاہور، ملتان اور راولپنڈی کے سرکاری ہسپتالوں سے میت کو بغیر کسی معاوضے کے گھر منتقل کیا جائے گا۔
جون تک اس سروس کو پنجاب بھر کی ہر تحصیل تک وسعت دے دی جائے گی۔