اسلام آباد۔27فروری (پی ایم این):گورنر خیبرپختونخوا فیصل کریم کنڈی سے ضلع پہاڑ پور کی معروف سماجی شخصیت جلال خان نے ملاقات کی ۔ گورنر آفس کی جانب سے جاری بیان کے مطابق یہاں ملاقات میں علاقہ کی ترقی کے مسائل پر تبادلہ خیال کیا گیا۔ گورنر خیبرپختونخوا فیصل کریم کنڈی نے کہا کہ چشمہ لفٹ کینال منصوبہ کے افتتاح پر مکمل توجہ مبذول کی ہوئی ہے
اس منصوبہ سے ضلع پہاڑ پور ، ڈیرہ اسماعیل خان ہی نہیں بلکہ پورا صوبہ اور ملک مستفید ہوگا۔ملاقات میں پنیالہ کے قریب سی پیک انٹرچینج کے حوالہ سے پیشرفت پر بھی گفتگو کی گئی۔ جلال خان نے علاقائی ترقی کے منصوبوں میں دلچسپی لینے پر گورنر خیبرپختونخوا کے کردار کو خراج تحسین پیش کیا۔