اسلام آباد(پی ایم این): وفاقی آئینی عدالت نے اسلام آباد ہائی کورٹ کے 5 ججز کی جانب سے دائر کی گئی انٹرا کورٹ اپیل کو سماعت کے لیے مقرر کر دیا ہے۔ سماعت 24 نومبر کو ساڑھے 11 بجے چھ رکنی لارجر بینچ کرے گا، جس کی سربراہی چیف جسٹس امین الدین خان کر رہے ہیں۔
بینچ میں جسٹس حسن رضوی، جسٹس باقر نجفی، جسٹس کے کے آغا، جسٹس روزی خان اور جسٹس ارشد حسین شاہ بھی شامل ہیں۔
یاد رہے کہ سپریم کورٹ کے پانچ رکنی بینچ نے اسلام آباد کے ججز کے تبادلے کو درست قرار دیا تھا، جس فیصلے کے خلاف اسلام آباد ہائی کورٹ کے مذکورہ ججز نے انٹرا کورٹ اپیل دائر کر رکھی ہے۔