مریم نواز مشکلات میں سے مواقع تلاش کرتی ہیں،رمیش سنگھ اروڑ

لاہور(پی ایم این)وزیر اقلیتی امور رمیش سنگھ اروڑا کا کہنا ہے کہ وزیر اعلیٰ پنجاب مشکلات میں سے مواقع تلاش کرتی ہیں، مریم نواز نے کہا کہ وفاق کو فنڈز دینے سے ترقیاتی کاموں پر اثر نہیں پڑے گا۔

 پنجاب نے اس نازک موقع پر 546 ارب روپے وفاق کو دیے ہیں، وفاق کو فنڈز دینے سے ایئر ایمبولینس، نواز شریف کینسر اسپتال میڈیکل سٹی، تعلیم اور ستھرا پنجاب جیسے منصوبے متاثر نہیں ہوں گے

رمیش سنگھ اروڑا نے کہا کہ پنجاب میں جڑانوالہ واقعے کے بعد مسیحی بھائیوں میں ڈر اور خوف تھا، لیکن وزیر اعلیٰ نے اقلیتوں کیلیے آواز اٹھائی، مریم نواز نے مسیحیوں سے اظہار یکجہتی کیا اور مریم آباد جا کر کرسمس منائی، وہ سکھوں اور ہندوؤں کی مذہبی تقریبات میں شریک ہوئیں

انہوں نے مزید کہا کہ مریم نواز نے ایک لاکھ غریب اقلیتی خاندانوں کو اقلیت کارڈ دیا جس سے ہر خاندان کو ساڑھے 10 ہزار روپے مل رہے ہیں۔

پنجاب میں 21 گردوارے آباد ہیں، مریم نواز 71 گردوارے آباد کریں گی، پنجاب میں صفائی کا کام صرف اقلیتوں کو دیا جاتا تھا، وہ وقت دور نہیں جب اقلیت کا کوئی ممبر پنجاب اسمبلی کے اسپیکر کی نشست پر بیٹھا ہوگا۔

صوبائی وزیر نے مزید کہا کہ ہم پاکستان کا نام دنیا میں روشن کریں گے، منتخب ارکان اپنے حلقوں میں اقلیتی آبادیوں کو بھی فنڈز دیں۔