پشاور،خیبر ٹیچنگ اسپتال میں مفت گردہ ٹرانسپلانٹ سروس کا آغاز

پشاور(پی ایم این/نمائندہ،کشورعلی)پشاور کے خیبر ٹیچنگ اسپتال میں پہلا کامیاب گردہ ٹرانسپلانٹ کا اپریشن کردیاگیا۔اسپتال انتظامیہ کے مطابق پہلے کامیاب ٹرانسپلانٹ میں ایک بھائی نے اپنے بھائی کو گردہ عطیہ کیا۔کامیاب آپریشن کے بعد ڈونر اور مریض دونوں کی حالت تسلی بخش رہی اور انہیں اسپتال سے گھر منتقل کر دیا گیا۔
انتظامیہ کا کہنا ہےکہ خیبر ٹیچنگ اسپتال میں گردہ ٹرانسپلانٹ کی جدید سہولت اب مریضوں کو مفت فراہم کی جائے گی جس سے گردوں کے امراض میں مبتلا مستحق مریضوں کو علاج کی بہتر سہولت میسر آئےگی۔