افغانستان،داڑھی چھوٹی ہونے پر20امدادی کارکن زیر حراست

کابل(پی ایم این/ویب ڈیسک)افغان طالبان نے داڑھی چھوٹی ہونے پر20امدادی کارکن حراست میں لے لئے،غیرملکی خبررساں ایجنسی کے مطابق انٹرنیشنل آرگنائزیشن فار مائیگریشن نے ایک داخلی بیان میں کہاکہ
ہفتہ کو حراست میں لیے گئے افرادایران افغانستان سرحد پر اسلام قلعہ بارڈر کراسنگ کے قریب کام کر رہے تھے اور وہ ان تنظیموں سے وابستہ تھے جو اقوام متحدہ کے ساتھ تعاون کرتی ہیں۔بتایاگیاکہ طالبان کی اخلاقی پولیس نے اقوام متحدہ کے شراکت دار اداروں کے مقامی مرد عملے کو داڑھی تراشنے یا داڑھی نہ رکھنے کی وجہ سے اسلام قلعہ ریسیپشن سینٹر پر گرفتار کیا۔
خبررساں ایجنسی نے کہا کہ کچھ امدادی کارکنوں کو اسی روز رہا کر دیا گیاجبکہ باقی افراد کو اگلے روز رہا کیا گیا ۔اس حوالے سےطالبان کی وزارتِ امر بالمعروف و نہی عن المنکر نے اس واقعے پر تبصرہ کرنے سے گریز کیا۔