قطر،راس لفان ایل این جی کمپلیکس میں دھماکا، پاکستانی شہریوں سمیت 13 افراد جاں بحق

دوحا(پی ایم این/ویب ڈیسک)قطر کے راس لفان ایل این جی کمپلیکس میں دھماکے کے نتیجے میں پاکستانی شہریوں سمیت 13 افراد جاں بحق اور 66 زخمی ہو گئے۔دھماکا اس وقت ہواجب مارچ میں ایرانی حملے کے بعد بند کی گئی تنصیبات کو دوبارہ فعال کیا جا رہا تھا۔
قطر کی وزارتِ توانائی نے ایک بیان میں کہا کہ دھماکے سےپلانٹ کی برآمدی صلاحیت متاثر نہیں ہوئی اور نہ ہی ماحولیات کو کوئی خطرہ لاحق ہے۔
قطر انرجی کی جانب سے یہ نہیں بتایا گیا کہ دھماکا پلانٹ کے کس حصے میں ہوا یا نقصان کی نوعیت کیا ہے، تاہم سعد الکعبی نے کہا کہ واقعے کی تحقیقات شروع کر دی گئی ہیں۔
دھماکے کی شدت اتنی زیادہ تھی کہ اس کا اثر مرکزی دوحہ تک محسوس کیا گیا اور راس لفان سے 70 کلومیٹر دور رہائشی علاقوں میں بھی کھڑکیاں لرز اٹھیں۔