ایران نے ایٹمی توانائی ایجنسی کے معائنہ کاروں کی دوبارہ تعیناتی پر اتفاق کرلیا،امریکی نائب صدر

لاہور(پی ایم این/ویب ڈیسک)امریکی نائب صدر جے ڈی وینس نے کہا ہے کہ ایران نے ایٹمی توانائی ایجنسی کے معائنہ کاروں کو واپس بلانے پر اتفاق کرلیا ہے۔ امریکی نائب صدر نےسوئٹزرلینڈ میں میڈیا سے بات کرتے ہوئےکہاکہ معائنہ کاروں کی تعیناتی اسی ہفتےسے ہوگی اور ہوسکتاہےاس کا آج سے ہی آغاز ہوجائے۔
امریکی نائب صدر نے کہا کہ ایسا نظام قائم کرنا چاہتے تھے جس کے تحت ایرانی اثاثے ایرانی عوام کی مدد کے لیے استعمال ہوں اور دہشت گردی کی مالی معاونت کے لیے استعمال نہ ہوں۔
امریکی نائب صدر نے کہا کہ لبنان معاملے پر مناسب ہم آہنگی کو یقینی بنانا چاہتے ہیں، ہم لبنان میں کشیدگی میں کمی کےلیے طریقہ کار پر گفتگو کررہے ہیں، ہم علاقائی جنگ بندی چاہتے ہیں، چاہتے ہیں ایران لبنان میں حزب اللہ کو کنٹرول میں رکھے۔