لاہور(پی ایم این/حامد محمود مغل)پنجاب کی جانب سےسول سیکرٹریٹ میں جمعہ کی چھٹی ختم کردی گئی جس کے بعد انتظامی امور اب ہفتے کے پانچ ورکنگ ڈیز میں بغیر کسی تعطل کے جاری رہیں گے یعنی سول سیکرٹریٹ میں تمام دفاتر اب ہفتے میں پانچ روز، پیر سے جمعہ تک معمول کے مطابق کھلے رہیں گے۔
حکام کے مطابق نئے شیڈول کے تحت سرکاری امور کی رفتار کو بہتر بنانے اور دفتری کارکردگی میں تسلسل برقرار رکھنے کے لیے یہ فیصلہ کیا گیا ہے۔سرکاری ذرائع کا کہنا ہے کہ اس فیصلے سے فائل ورک، پالیسی سازی اور عوامی خدمات کی فراہمی کے عمل میں بہتری آئے گی اور مختلف محکموں کے درمیان رابطہ مزید مؤثر ہوگا۔