حکومت کیساتھ کسی بھی فورم پر مذاکرات سے متعلق کوئی بات نہیں ہو رہی، بیرسٹر گوہر

اسلام آباد (پی ایم این)پی ٹی آئی چیئرمین بیرسٹر گوہر نےکہاہےکہ حکومت کے ساتھ کسی بھی فورم پر مذاکرات کے حوالے سے فی الحال کوئی بات نہیں ہو رہی۔

بیرسٹرگوہرکی پارلیمنٹ ہاؤس میں میڈیاسےگفتگومیں کہا وزیراعظم کی مذاکرات کی دعوت کو ویلکم کیا ہے،حکومت کیساتھ کسی بھی فورم پر مذاکرات کےحوالے سےفی الحال کوئی بات نہیں ہورہی،مذاکرات بڑا ہی سنجیدہ عمل ہے اس کےلیےکہیں بیٹھنا ہوگا۔

انہوں نےکہا مذاکرات ہماری خواہش ضرورہیں لیکن واضح کردوں ابھی تک کسی سطح کارابطہ نہیں ہے، جب تک لوگ بانی کےساتھ ہیں وہ مائنس نہیں ہوسکتے،اس معاملےکا کچھ حل نکالنا ہوگا۔

بیرسٹرگوہر نےمزیدکہامیں سیاسی رہنماؤں کوجیلوں میں ڈالنےکےبالکل خلاف ہوں،سیاست میں کارکردگی پر مقابلہ ہوناچاہیےنہ کہ جیلوں میں ڈالنےپر، ہماری یہ درخواست ہےکل بانی سےفیملی کوملاقات کرنے دی جائے۔