واشنگٹن (پی ایم این/ویب ڈیسک)امریکی ویب سائٹ کے مطابق امریکی سفارتکار نے بتایا ہے کہ سوئٹزر لینڈ میں ایران سے مذاکرات میں لبنان میں کشیدگی کم رکھنے کے طریقہ کار پر بات ہوئی ، آبنائے ہرمز کھلا رکھنے پر اچھی پیش رفت ہوئی، فریقین مطمئن دکھائی دیے۔
امریکی سفارتکار نے بتایا ہے کہ بات چیت مثبت رہی اور فریقین نے جنگ بندی کو مؤثر بنانے پر زور دیا، مذاکرات میں لبنان میں کشیدگی کم رکھنے کے طریقہ کارپربھی بات ہوئی۔
امریکی سفارتکار کے مطابق امریکا نے واضح کیا کہ وہ آبنائے ہرمز کو مکمل طور پر کھلا دیکھنا چاہتا۔ سیاسی قیادت اور تکنیکی ٹیموں کے درمیان آئندہ رابطوں کے فریم ورک پر بھی اتفاقِ ہوا۔
امریکی ویب سائٹ کے مطابق امریکی سفارتکار نے بتایا ہے کہ چاروں فریق آج ہونے والی پیش رفت پرمطمئن دکھائی دیے۔
واضح رہے کہ اتوار کو ایرانی اور امریکی وفود پاکستان اور قطر کے ثالثوں کی موجودگی میں سوئٹزرلینڈ کے علاقے برگن سٹاک میں مذاکرات میں شامل ہوئے۔
وزیراعظم شہباز شریف اور فیلڈ مارشل عاصم منیر نے امریکی نائب صدر جے ڈی وینس، ایران کے وزیر خارجہ عباس عراقچی اور قطر کے وزیراعظم کوخوش آمدید کہا،تاریخی مناظر پوری دنیا نے دیکھے۔
وزیراعظم شہباز شریف نے امریکا اور ایران کی اعلیٰ سطح کی بیٹھک کو عالمی امن اور خوشحالی کے لیے عظیم دن قرار دیا، مثبت بات چیت کی امید ظاہر کی۔
امریکی نائب صدر جے ڈی وینس نے کہا کہ پورے مشرق وسطیٰ میں امن کا قیام ہماری ترجیح ہے،امریکا ایران کے ساتھ تعلقات میں بنیادی تبدیلی کے لیے تیار ہے،قطر کے وزیراعظم نے کہا مذاکرات خطے،پوری دنیا کی سلامتی،عالمی معیشت کے لیے اہم اورتاریخی ہیں۔