اسلام آباد (پی ایم این)سپریم کورٹ آف پاکستان نےاپنےملازمین کےیوٹیلیٹی الاؤنس میں 100 فیصد اضافےکی منظوری دےدی،چیف جسٹس آف پاکستان کی منظوری کے بعد اضافے کا اطلاق یکم جولائی 2026 سےہوگا۔
جاری کردہ نوٹیفکیشن کےمطابق گریڈ ایک سےچھ تک کےملازمین کایوٹیلیٹی الاؤنس 6 ہزار روپے سے بڑھا کر 12 ہزارروپےکردیاگیا ہے،جبکہ گریڈ 7 سے 10 تک کے ملازمین کا الاؤنس 8 ہزار سے بڑھا کر 16 ہزار روپے مقررکیا گیا ہے۔
اسی طرح گریڈ 11 سے 15 تک کےملازمین کا الاؤنس 10 ہزار سے بڑھا کر 20 ہزار روپے،گریڈ 16 کے افسران کا 12 ہزار سے بڑھا کر 24 ہزار روپے اور گریڈ 17 کے افسران کا یوٹیلیٹی الاؤنس 15 ہزار سے بڑھا کر 30 ہزار روپے کر دیا گیا ہے۔
نوٹیفکیشن کےمطابق گریڈ 18 کےافسران کا الاؤنس 18 ہزار سےبڑھا کر 36 ہزارروپے،گریڈ 19 کے افسران کا 21 ہزارسےبڑھا کر 42 ہزارروپےجبکہ گریڈ 20 کےافسران کایوٹیلیٹی الاؤنس 24 ہزارسےبڑھاکر 48 ہزار روپے مقررکیاگیاہے،گریڈ 21 اوراس سےاوپرکےافسران کایوٹیلیٹی الاؤنس 30 ہزار روپےسےبڑھا کر 60 ہزار روپے کر دیاگیاہے۔
یوٹیلیٹی الاؤنس میں گیس اوربجلی کے اخراجات شامل ہیں،اضافی اخراجات مالیاتی سال 27-2026 کے منظور شدہ بجٹ سےپورے کیےجائیں گے۔