بہاولپور( پی ایم این)بہاولپور میں تین افراد میں منکی پاکس کی تصدیق ہوگئی ہے، جبکہ متاثرہ مریضوں کی دیکھ بھال کرنے والی ایک نرس بھی وائرس کا شکار ہوگئی۔اسپتال ذرائع کے مطابق منکی پاکس سے متاثرہ تینوں مریض بہاولپور وکٹوریا ہسپتال کے آئسولیشن وارڈ میں زیر علاج ہیں اور انہیں طبی نگرانی میں رکھا گیا ہے۔
ذرائع کا کہنا ہے کہ متاثرہ افراد کو وائرس بیرون ملک سے آنے والے رشتہ داروں کے ذریعے منتقل ہوا۔اسپتال ذرائع کے مطابق آئسولیشن وارڈ میں ڈیوٹی انجام دینے والی ایک نرس میں بھی منکی پاکس کی تصدیق ہوئی ہے۔ نرس منکی پاکس سے متاثرہ مریض کے علاج اور دیکھ بھال پر مامور تھی۔