صوابی(پی ایم این/کشورعلی،نمائندہ نوشہرہ)صوابی و گردونواح میں قایم فیکٹریوں، کارخانوں اورملوں سئ نکلنے والا دھواں شہریوں میں مخلتف بیماریوں کا باعث بن گیا،ہوا آلودہ ہونےسے شہری سانس ودیگر بیماریوں کا شکار ہونے لگے جبکہ اردگرد کے علاقوں میں رہنا محال ہوگیا،انڈسٹریل اسٹیٹ کے اردگرد درجنوں دیہاتوں کا زیر زمیں پانی بھی آلودہ ہو چکا ہے۔ ان فیکٹریوں ملوں کارخانوں سے نکلنے والا آلودہ زہریلا، بدبودار پانی جہاں جہاں سے گزرتا ہے وہاں اردگرد کے دیہاتوں کی آبادیوں کے لوگ نقل مکانی کرتے ہوئے دیگر علاقوں کا رخ کر رہے ہیں۔
عوام نے مطالبہ کیا کہ صوبائی محکمہ ماحولیات انوائرمنٹ پروٹیکشن ایجنسی، ضلعی حکومت سمیت دیگر ادارے صنعتکاروں کو فیکٹریوں کارخانوں میں ٹریٹمنٹ پلانٹس کو لگانے اور مسلسل چلانے کا پابند بنائیں تا کہ کیمیکل ملا دھواں بیماریاں پھیلانے کا موجب نہ بنے اور اس سے فضائی آلودگی سمیت آبی آلودگی کا بھی خاتمہ ہو ۔