لاہور(پی ایم این/حامدمغل)پنجاب حکومت نے سوشل میڈیا پ رتصاویر شیئرکرنے پر پابندی عائد کرتے ہوئےایس ایچ اوز سمیت پولیس افسران کو سوشل میڈیا سے باوردی تصاویر ہٹانے کی ہدایت کر دی،
نئی پالیسی کے تحت پولیس افسران کو ذاتی فیس بک، انسٹاگرام، ٹک ٹاک اور دیگر سوشل میڈیاپلیٹ فارمز پر یونیفارم میں تصاویر یا ویڈیوز اپ لوڈ کرنے کی اجازت نہیں ہوگی۔ اس کے علاوہ افسران وردی میں ذاتی سرگرمیوں سے متعلق مواد بھی اپنے پرسنل اکاؤنٹس پر شیئر نہیں کر سکیں گے۔
حکم نامہ میں پہلے سے موجودوردی میں تصاویر بھی ذاتی اکاؤنٹس سے ہٹانے کی ہدایت جاری کی گئی ہے، جبکہ وردی میں تصاویر اور ویڈیوز صرف سرکاری اور مجاز پولیس اکاؤنٹس کے ذریعے شیئر کی جا سکیں گی۔
حکام کا کہنا ہےکہ پالیسی کی خلاف ورزی کرنے والے افسران کے خلاف محکمانہ کارروائی عمل میں لائی جائے گی۔