لاہور(پی ایم این/حامدمغل)اداکارہ مومنہ اقبال کی بہن رمشہ اقبال نے الزام عائد کیاہےکہ ثاقب چدھڑ نے مومنہ اقبال کانکاح کرانے کی صورت میں قتل کی دھمکی دی تھی
پریس کانفرنس کرتے ہوئے رمشا اقبال نے کہا کہ ثاقب چدھڑ نےدھمکیاں دیں کہ نکاح نہیں کرنا ورنہ قتل کروا دوں گا، ثاقب چدھڑ نےدھمکی آمیز وائس نوٹ مجھے اور مومنہ اقبال کوبھیجیں۔رمشااقبال نےکہا ہمارے لیےکامیابی ہےکہ این سی سی آئی اے نے ایف آئی آر درج کرلی، مریم نواز کا شکریہ ادا کرنا چاہتی ہوں جنہوں نے نیوٹرل کارروائی کے احکامات دیئے۔
رمشااقبال نے مزید کہا انہوں نے میڈیا میں آکر کوئی ایسی بات نہیں کی جو ثابت نہ کرسکیں، سوشل میڈیا پر مومنہ اور میرے خلاف پیڈکمپین چلائی گئی، اب ہم نے ایک نئی درخواست جمع کراونی ہے، میں ہرگزپیچھےنہیں ہٹوں گی۔
انہوں نےکہا ثاقب چدھڑ اب الزامات ثابت کریں، ثاقب چدھڑ کروڑوں روپے ثابت کرے، ہم ان کو پیسے واپس دینا چاہتے ہیں، ایڈووکیٹ میاں اشفاق مجھ پر اور مومنہ پر لگائےگئے الزمات ثابت کریں۔