لاہور(پی ایم این/ویب ڈیسک)انگلش کرکٹرلیام لیوگسٹن نے ےبھارتی بیٹرویرات کوہلی کے بھارت چھوڑنے کی وجہ بتادی
لیام نے کہا کہ ویرات بھارت میں ملنے والی غیر معمولی شہرت اور ہر وقت لوگوں کی توجہ کا مرکز بننے والی زندگی زیادہ پسند نہیں کرتے، وہ ایسی زندگی کے خواہش مند نہیں تھے جو وہ بھارت میں جی رہے ہیں، انہیں پرسکون ماحول میں رہنا پسند ہے جہاں ان پر توجہ نہ دی جائے اور اپنی مرضی سے آزاد گھومنے پھرنے دیا جائے۔
لیام لیونگسٹن نے مزید بتایا کہ کوہلی کی ہر حرکت پر کیمرے چوکنا رہتے ہیں اور عوام کی نظر ہوتی ہے جس کی وجہ سے انہیں ہر وقت غیر معمولی توجہ کا سامنا رہتا ہے، یہی وجہ ہے کہ انہوں نے اپنی بیٹی کی پیدائش کے بعد بیرونِ ملک منتقل ہونے کا فیصلہ کیا تھا۔
ان کے مطابق ویرات کوہلی ایک خوش مزاج شخصیت کے مالک ہیں جو اپنے خاندان کے ساتھ وقت گزارنا پسند کرتے ہیں اور دنیا گھومنا چاہتے ہیں، انہیں شہرت کے سبب گھر میں بند رہنا بالکل پسند نہیں۔