لاہور(پی ایم این/خالدمحمود)لاہورمیں بلدیاتی الیکشن کی159نئے یونین کونسلز کے اضافے کے ساتھ نئی حلقہ بندیوں کی ابتدائی فہرست جاری کردی گئی،
ڈسٹرکٹ الیکشن کمیشن کی جانب سے جاری فہرست کے مطابق لاہور کو انتظامی طور پر مختلف تحصیلوں اور زونز میں تقسیم کیا گیا ہے، جن میں لاہور سٹی، ماڈل ٹاؤن، کینٹ، رائیونڈ، واہگہ، شالیمار، راوی، نشتر اور سدر شامل ہیں، انتخابی حلقہ بندیوں کا مقصد آبادی کے تناسب کے مطابق نمائندگی کو بہتر بنانا اور انتخابی عمل کو شفاف بنانا ہے۔
لاہور میں 433 یونین کونسلز بنائی گئی ہیں، 2015 کے بلدیاتی الیکشن میں لاہور میں 274 یونین کونسلز تھیں،ڈسٹرکٹ الیکشن کمیشن لاہور کی ابتدائی فہرست کے مطابق راوی ٹاؤن 52، شالیمار میں 72، واہگہ ٹاؤن میں 25 یونین کونسل قائم کی گئی ہیں۔
ماڈل ٹاؤن میں 77، نشتر ٹاؤن میں 40 اور صدر کینٹ میں 29، رائے ونڈ سٹی میں 32، لاہور سٹی میں 69 اور علامہ اقبال ٹاؤن میں 37 یونین کونسل بنائی گئی ہیں، لاہور کے شہری 23 جون تک حلقہ بندیوں پر اعتراضات دائر کرسکتے ہیں، حلقہ بندیوں کی حتمی فہرست 10 اگست کو جاری ہوگی۔