اسلام آباد(پی ایم این/ویب ڈیسک)وفاقی وزیرمواصلات عبدالعلیم خان نے سینیٹ کو بتایاکہ سکھر حیدرآباد موٹروے پر رواں سال کام شروع کر دیا جائے گا۔
عبدالعلیم خان نے وقفہ سوالات کے دوران ایوان کو بتایا کہ موٹروے کے پانچ میں سے تین سیکشن کی منظوری دے دی گئی ہے جبکہ اس حوالے سے بولی کا عمل شروع ہو چکا ہے۔
وزیر مواصلات نے کہا کہ سڑکوں کے بنیادی ڈھانچے کی بہتر حالت یقینی بنانے کے لیے نیشنل ہائی وے اتھارٹی کی آمدن میں اضافہ کرنے کی کوششیں کی جا رہی ہیں۔