ا سلام آباد(پی ایم این/ویب ڈیسک)صدر آصف علی زرداری نے اسرائیلی فوج کی طرف سے یونان کے قریب بین الاقوامی سمندر میں غزہ جانے والے امدادی قافلے کو روکنے کی شدید مذمت کی ہے۔
اپنے بیان میں صدرمملکت نے تمام کارکنوں کی گرفتاری پر تشویش کا اظہار کرتے ہوئے کہا کہ ان کے حقوق کا مکمل احترام کیا جائے۔
انہوں نے کہا کہ انسانی امداد میں کبھی رکاوٹ نہیں ڈالنی چاہئے۔
انہوں نے عالمی برادری پر بھی زور دیا کہ وہ مزید کشیدگی کو روکنے اور انسانی ہمدردی کی بنیاد پر رسائی اور آزادانہ جہاز رانی کے اصولوں کے تحفظ میں اپنا کردار ادا کرے۔