ا سلام آباد(پی ایم این/ویب ڈیسک)قومی ورثہ اور ثقافت کے وزیر اورنگزیب خان کھچی نے نیپال کے ساتھ ثقافتی تعلقات مضبوط بنانے کے لیے پاکستان کے عزم کا اعادہ کیا ہے۔
انہوں نے یہ بات پاکستان میں نیپال کی سفیر ریٹا دھیتال سے آج اسلام آباد میں ملاقات میں کہی۔
وفاقی وزیر نے کہا کہ پاکستان بدھ مت کے انمول ورثے کا گھر ہے، جس میں بدھا کے مشہور مجسمے اور باقیات بھی شامل ہیں۔
نیپالی سفیر نے نیپال اور پاکستان کے درمیان دیرینہ تعلقات کا اعتراف کیا جو باہمی احترام، خیر سگالی اور تعاون پر مبنی ہیں۔
انہوں نے ثقافت، فنون لطیفہ، عجائب گھروں اور بدھ مت کے ثقافتی ورثے کے فروغ اور تحفظ میں پاکستان کی کوششوں کو سراہا۔
فریقین نے ثقافت، ورثے اور عوام کے درمیان روابط میں دوطرفہ تعاون بڑھانے پر اتفاق کیا۔