اسلام آباد(پی ایم این/ویب ڈیسک)نیشنل لاجسٹکس سیل(این ایل سی) کی مؤثر حکمت عملی کے نتائج پاکستان کے علاقائی تجارتی تعلقات کی مضبوطی کی صورت میں ظاہر ہونا شروع ہوگئے ہیں۔
ٹرانزٹ معاہدے کے تحت این ایل سی کی شراکت دار کمپنی کی پہلی تجارتی کھیپ کرغزستان سے چین کے راستے پاکستان پہنچی ہے۔
این ایل سی کی کوششوں کی وجہ سے خطے کے کئی ممالک درہ خنجراب اور سوست پورٹ کو ایک قابل اعتماد تجارتی راہداری کے طور پر استعمال کر رہے ہیں۔
نئے روٹ کے ذریعے کرغزستان، تاجکستان، ترکمانستان، قازقستان اور ازبکستان کو کراچی بندرگاہ تک براہ راست رسائی حاصل ہوگی ۔ پاکستان وسطی ایشیا کے خشکی سے گھرے ممالک کے لیے ایک تیز، محفوظ اور قابل اعتماد تجارتی راستے کے طور پر ابھرا ہے۔