اسلام آباد(پی ایم این)وزیر اطلاعات و نشریات عطا اللہ تارڑ نے کہا ہے کہ پاکستان ایک ثالث کی حیثیت سے ایران کے ساتھ مسلسل رابطے میں ہے اور سفارت کاری اور مذاکرات کی راہ پر گامزن ہے۔
انہوں نے آج ایکس پر ایک پوسٹ میں کہا کہ اسلام آباد امن مذاکرات میں شرکت کیلئے وفد کی تصدیق کے بارے میں ایرانی جانب سے باضابطہ جواب کا ابھی انتظار ہے۔
وزیر اطلاعات نے کہا کہ دو ہفتے کی جنگ بندی کے خاتمے سے قبل ایران کی جانب سے مذاکرات میں شرکت کا فیصلہ اہم ہے۔ انہوں نے کہا کہ جنگ بندی کل صبح چار بج کر پچاس منٹ پر بجے ختم ہو جائے گی۔
عطا اللہ تارڑ نے کہا کہ پاکستان نے ایرانی قیادت کو مذاکرات کے دوسرے دور میں شرکت کیلئے قائل کرنے کی مخلصانہ کوششیں کی ہیں اور یہ کوششیں جاری ہیں۔