اسلام آباد(پی ایم این)پاک بحریہ نے ایئرلانچڈ کروزمیزائل تیمورکا کامیاب تجربہ کیا ہے۔
یہ مقامی طور پر تیارکردہ بحری جہازشکن ہتھیاروں کا نظام ہے۔
ائیر لانچڈ کروز میزائل نے اپنے مشن کوغیرمعمولی درستی کے ساتھ انجام دیا، جو پاک بحریہ کی ہدف کا پتہ لگانے اور دشمن کی طرف سے سمندری خطرات کو وسیع رینج پر فیصلہ کن طور پر بے اثر کرنے کی اسکی جنگی صلاحیتوں کا مظہر ہے۔
پاک بحریہ کا یہ تجربہ قومی دفاعی صلاحیت کے اعلیٰ معیار کی نشاندہی کرتا ہے، جس سے پاکستان کی مسلح افواج کی مربوط انداز میں نشانہ بنانے کی صلاحیت اور روایتی شعبے میں صلاحیتوں کو مزید تقویت ملتی ہے۔
پاک بحریہ ملک کے بحری مفادات اور خود مختار بحری حدود کے تحفظ کے لیے پرعزم ہے۔
صدر آصف زرداری، وزیراعظم شہباز شریف، چیف آف ڈیفنس فورسز فیلڈ مارشل سید عاصم منیر اور سروسز چیفس نے یہ اہم سنگ میل عبور کرنے پر سائنسدانوں اور انجینئرز کو مبارکباد دی ہے۔