اسلام آباد(پی ایم این)پاکستان کی سلامتی کونسل میں مستقل رکنیت میں توسیع کی مخالفت
پاکستان نے اقوام متحدہ کی سلامتی کونسل کی اصلاحات کے بارے میں اپنے موقف کا اعادہ کرتے ہوئے مستقل ارکان کی جانب سے ویٹو پاورکے خاتمے یا اس کے استعمال پر سخت پابندی عائد کرنے کا مطالبہ کیا ہے۔
ویٹو سے متعلق تیسرے بین الحکومتی مذاکرات کے دوران اقوام متحدہ میں پاکستان کے مستقل نمائندے عاصم افتخار احمد نے ویٹو کی توسیع یا نئے مستقل ارکان کے اضافے کی سختی سے مخالفت کی۔
انہوں نے اس بات پر زور دیا کہ ویٹو ممالک میں اضافے سے مسئلہ مزید بڑھ جائے گا۔