اسلام آباد(پی ایم این)ائب وزیرِاعظم اسحاق ڈار اور سعودی عرب کے وزیرِ خارجہ شہزادہ فیصل بن فرحان کے مابین ٹیلیفونک گفتگو ہوئی ہے۔
نائب وزیرِاعظم نے سعودی وزیرِ خارجہ کو اسلام آباد مذاکرات سے متعلق پیش رفت سے آگاہ کیا۔
انہوں نے اس بات پر زور دیا کہ تمام فریق جنگ بندی سے متعلق اپنی ذمہ داریوں پر مکمل عملدرآمد کریں۔
نائب وزیرِاعظم نے مکالمے کے فروغ میں پاکستان کے کردار کو اجاگر کرتے ہوئے اس عزم کا اعادہ کیا کہ پاکستان سفارتی کوششوں کی حمایت جاری رکھے گا اور خطے سمیت عالمی سطح پر امن و استحکام کے لیے بات چیت کا سلسلہ برقرار رکھا جائے گا۔