اسلام آباد(پی ایم این)ملک بھر میں ایک ہفتہ طویل انسداد پولیو مہم کل سے شروع ہوگی۔
مہم کے دوران پانچ سال سے کم عمر کے 45 ملین بچوں کو انسداد پولیو کے قطرے پلائے جائیں گے۔
ہیلتھ ورکرز شہری اور دور دراز علاقوں میں گھر گھر جا کر بچوں کو انسداد پولیو ویکسین اور وٹامن اے کے سپلیمنٹس پلائیں گے۔
خاتون اول بی بی آصفہ بھٹو زرداری نے پاکستان بھر کے خاندانوں اور کمیونٹیز پر زور دیا ہے کہ وہ ملک گیر پولیو کے قطرے پلانے کی مہم میں مکمل تعاون کریں تاکہ اس بات کو یقینی بنایا جا سکے کہ ہر بچہ اس مرض سے محفوظ رہے۔
ایک بیان میں انہوں نے گزشتہ مہموں کی پیش رفت پر روشنی ڈالتے ہوئے کہا کہ گزشتہ سال پولیو کے 31 کیسز رپورٹ ہوئے تھے جبکہ اس سال اب تک صرف ایک کیس ریکارڈ کیا گیا ہے۔
آصفہ بھٹو زرداری نے کہا، تاہم، بیماری کا خطرہ اب بھی برقرار ہے اور ہر مہم اور معمول کے امیونائزیشن میں بار بار ویکسینیشن پر زور دیا۔