اسلام آباد(پی ایم این)امریکی نائب صدر جے ڈی وینس کی قیادت میں امریکی وفد اسلام آباد مذاکرات میں شرکت کے لئے پاکستان پہنچ گیا ۔ امریکی صدر ڈونلڈ ٹرمپ کے نمائندہ خصوصی برائے مشرق وسطی سٹیو وٹکوف اور جیرڈ کشنر بھی وفد میں شامل ہیں۔
نائب وزیراعظم محمد اسحاق ڈار، چیف آف ڈیفنس فورسز اور چیف آف آرمی سٹاف فیلڈ مارشل سید عاصم منیر اور وزیر داخلہ سید محسن نقوی نے وفد کا استقبال کیا۔
امریکی وفد کا خیرمقدم کرتے ہوئے نائب وزیراعظم محمد اسحاق ڈار نے دیرپا علاقائی اور عالمی امن و استحکام کے حصول کے لئے امریکی کاوشوں کو سراہا۔
نائب وزیراعظم نے امید ظاہر کی کہ فریقین تعمیری انداز میں مذاکرات میں شریک ہوں گے۔
نائب وزیراعظم نے پاکستان کی تنازع کے دیرپا اور پائیدار حل کے لیے فریقین کے لیے سہولت کاری جاری رکھنے کی خواہش کا اعادہ کیا۔