پاکستان نے گزشتہ سال 10 لاکھ سے زائد بین الاقوامی سیاحوں کو راغب کیا:سفیر
April 06, 2026
File Photo
اسلام آباد(پی ایم این )روس میں پاکستان کے سفیر فیصل نیاز ترمذی نے کہا ہے کہ پاکستان نے گزشتہ سال دس لاکھ سے زائد بین الاقوامی سیاحوں کو راغب کیا جو کہ گزشتہ سالوں کے مقابلے میں آٹھ سو بیس فیصد اضافے کی عکاسی کرتا ہے۔
ایک انٹرویو میں سفیر نے کہا کہ حالیہ برسوں میں سیاحت کے شعبے میں ترقی ہوئی ہے۔ انہوں نے کہا کہ گرین پاکستان پروگرام سمیت حکومتی اقدامات کے تحت منصوبہ بندی کو بہتر بنانے اور سیاحت کے شعبے میں سرمایہ کاری کو راغب کرنے کے لیے اقدامات کیے گئے ہیں۔
سفیر فیصل نیاز ترمذی نے کہا کہ پاکستان ہر سال روس سے پچاس ہزار سیاحوں کو راغب کرنے کیلئے کام کر رہا ہے۔ انہوں نے کہا کہ اس اقدام سے سالانہ ایک ارب ڈالر کی آمدنی حاصل کرنے میں مدد ملے گی۔