ڈسٹرکٹ اینڈ سیشن کورٹس اسلام آباد نے سہیل آفریدی کےناقابل ضمانت وارنٹ گرفتاری جاری کردیے
اسلام آباد(پی ایم این )ڈسٹرکٹ اینڈ سیشن کورٹس اسلام آباد نے سہیل آفریدی کے خلاف ریاستی اداروں پر گمراہ کن الزامات اور ساکھ متاثر کرنے کے کیس میں عدم حاضری پر ناقابل ضمانت وارنٹ گرفتاری جاری کردیے۔
ڈسٹرکٹ اینڈ سیشن کورٹس اسلام آباد کے سول جج عباس شاہ نے سہیل آفریدی کےخلاف درج مقدمہ کی سماعت کی۔
عدالت نے کیس میں عدم حاضری پر سہیل آفریدی کے ناقابل ضمانت وارنٹ گرفتاری جاری کردیے۔
عدالت نے وزیراعلیٰ خیبر پختونخوا سہیل آفریدی کو گرفتار کرکے پیش کرنےکا حکم دیا ہے۔
عدالت نے کیس کی مزید سماعت 9 اپریل تک ملتوی کردی۔
سہیل آفریدی کےخلاف پیکا ایکٹ کے تحت این سی سی آئی اے نے مقدمہ درج کررکھا ہے۔